إضغط لقرائة المقال كامل بصيغة PDF
____________________
ـ فما كم رهيب من المطالب المطروحة في تونس: تنمية ،رفع مستوى العيش،تحسين البنية التحتية ،اصلاحات اقتصادية ، توفير الامن، تحسين جودة التعليم ،تشغيل ، تحسين جودة الخدمات الادارية العمومية ،عناية بالرياضة،عناية بالثقافة ،عناية بالمسنيين ،عناية بالمعوزين ،عناية بفاقدي السند ،عناية بذوي الاحتياجات الخاصة ،توفير ضمانات الحياة ل”التوانسة” ، العناية بالتونسيين بالخارج ،تحقيق المساوات بين المرا و الراجل ، تحقيق المساوات بين الجهات ،حماية الحريات الفردية، تحقيق المساوات بين “المسلمين” و “غير المسلمين” ، العناية باللوغة العربية ،العناية بالدين الإسلامي، تطبيق الشرعية الإسلامية ، دعم القضايا العربية الاسلامية و العادلة!!! و الله اعلم شنوة آخر مطلوب في تونس.
ـ التوانسة بكلهم يتمناو و يطالبو ببرشا أمور يحبوها تتحقق : أمور تهم مستوى عيشهم و عيش اولادهم . امور تهم ظروف حياتهم العامة : بيئة ،بنية تحتية ،خدمات عمومية . امور تهم “معتقداتهم الدينية” ،امور تهم ” اختياراتهم الثقافية” ، امور تهم “عواطفهم السياسية” و حتا الجنسية. “التوانسة”عندهم برشا اهداف يحبوها تتحقق .
ـ اهداف التوانسة مهيش منسجمة ابدا و متناقضة في برشا مسائل لأسباب “مصلحية” ، ” معتقدات سياسية/فلسفية و دينية ” او “توجهات ثقافية” لدرجة انو سعات يوصل الأمر للعداء “المطلق” كيما صار بين “العلمانيين” و “الاسلاميين” بعد الثورة .
ـــ القومية التونسية تتجاوز هذا و تطرح السؤال التالي :
كيفاش ينجمو “التوانسة” يحققو اهدافهم لو افترضنا انهم اتفقو حولها ،لو افترضنا انو إنجمو نوصلو ل”هدف عام” ل”التوانسة ” بكلهم ؟؟؟
– القومية التونسية تطرح السؤال حول الهدف ، الجامع و الموحد لكل التوانسة بدون استثناء مهما كان موقعهم الجهوي ، الاجتماعي مهما كن عمرهم ، جنسهم و مهما كانت آرائهم السياسية ، الفلسفية و الدينية.
إضغط لمواصلة قرائة المقال كامل بصيغة PDF
0 تعليق